नायगाव प्रतिनिधी- विश्वनाथ शिंदे
महाराष्ट्र राज्यातील सुप्रसिद्ध हवामान तज्ञ पंजाबराव डख यांचे दि. २० फेब्रुवारी,रविवार रोजी मांजरम येथे सायंकाळी ०७ वाजता व्याख्यान होणार आहे .
रयत क्रांती संघटनेचे युवा प्रदेशाध्यक्ष पांडुरंग शिंदे मांजरमकर यांच्या वाढदिवसानिमित्त अभिष्टचिंतन सोहळा आयोजित केला आहे, या कार्यक्रमासाठी प्रमुख वक्ते म्हणून पंजाबराव डख यांना निमंत्रित केले आहे ते उपस्थित शेतकऱ्यांना मार्गदर्शन करणार आहेत.
या कार्यक्रमाचे अध्यक्ष माजी सनदी अधिकारी तथा किसान ब्रिगेडचे नेते पुरुषोत्तम गावंडे आणि मांजरम गावचे भूमिपुत्र, नांदेड जिल्हा परिषद जिल्हा आरोग्य अधिकारी डॉ. बालाजी शिंदे यांचा सत्कार गावकऱ्यांच्या वतीने आयोजित केला आहे.
या कार्यक्रमास जास्तीत जास्त शेतकऱ्यांनी उपस्थित राहावे असे आवाहन युवा शेतकरी नेते माननीय श्री पांडुरंग पाटील शिंदे मांजरमकर मित्र मंडळाच्या वतीने करण्यात आले आहे.